رسالة اعتذار لحبيبتى وملكة قلبى وعمرى الجاى .....بحبك

ماتزعليش منى...ماتبعديش عنى ..ماتسيبنيش
قبلك كنت تاية ..ضايع ..لية ماتسالينيش
قلبى كان وحيد..عقلى كان شريد ..روحى كانت بتموت
اى ذنب عملتة قبل ما اقابلك ندمان علية
اى غلطة كنت هاعملها باتاسف عليها
انت امى واختى وحبيبتى وعقلى وروحى وبتجرى فى دمى
معاكى اتولدت من جديد ...انسان جديد بعقل جديد
قلبى ملكك انتى ..كلامى منك انتى
روحى بتحبك انتى ...هيمان فى عينكى


كلمة بحبك قلبى مابيحسهاش غير معاكى


رعشة كلمة وحشتينى ملكك انتى
اى كلام لغيرك كان بس كلام
معاكى احساس وامنية وغرام
ملكتى كل حاجة فيا...بقيتى ملكة قلبى وعقلى وروحى ووجدانى وكيانى
انا انسان عايش بروح ملاك ...بسببك انتى
قلبى طاير وفرحان وحاسس بالأمان عشان انتى عايشة جواة
عمرى ما حسيت بدفا الأيام وبفرحة عمرى اللى جاى ..غير معاكى
اى حب قبلك مكانش حب ..انتى اكبر واصدق واحلى حب
باعيش معاكى يوم بيوم ..احساسى بيتجدد كل يوم

كلامى طالع ليكى ومنك انتى ..كل احلامنا هتتحقق
وولادنا هيعيشوا وهنشوفهم وهنحكيلهم قصتنا
سامحينى على اى احساس طلع منى ومكانش ليكى
انا مخلوق علشانك انتى ..عشان احبك انتى
انتى نصى التانى وملكة روحى وعمرى الجاى
اى كلمة حب لغيرك تتحرم عليا
قلبك كبير اوى ...وبيحبنى اوى ..ومدينى ثقة كبيرة اوى
طول عمرى هافضل ادها ..مش عايز غيرك انتى يا احلى ما فى حياتى
خليكى معايا يا أيمى ماتسينبيش من غيرك انا اضيع
من غيرك انا ولا حاجة ...وبيكى كل حاجة

اى حد بعدك غريب عنى ..مش هاعيش ..مش هاكون ..هاموت
كل حلم باحلمة وكل حاجة باتمناها معاكى انتى وماتنفعش غير معاكى انتى
انتى الملاك اللى ربنا بعتهولى عشان اعيش معاة وادوق هواة
حبيبتى كلام الدنيا كلة مايكفكيش
دموعى امبارح نزلت وقلبى اترعش وروحى كانت هتطلع
صوتك وانتى زعلانة منى سهم دخل فى قلبى
كسرنى من جوا
حسيت مستقبلى وعمرى الجاى بيضيعوا فى ثوانى
كنت هاموت
قلبى بكى ..عينيا دمعت
ازاى هونتى عليا وانا طول عمرى مستنيكى

عهد عليا اخلصلك وافضل مخلصلك وعايش بيكى وليكىعمرى ماهزعلك ..انا عايش عشانك
عشان تكونى احسن منى
وعشان نفضل مع بعض
وعشان تفضلى تحبينى
كل لحظة جاية فى عمرى باقولك فيها اسف

ماقدرش اكسر قلبك ولا اقدر اعيش من غيرة
نفسى اصحى كل يوم على نور عينيكى ودفا صوتك
امان الدنيا كلة فيكى ..حنان الدنيا كلة شايفة فى عينيكى
غيرك ليا ماليش حبيية

قلبك عايش جوا قلبى ..ضاممة وحاضنة وخايف علية
معاكى انتى بس الكلمة دى تتحس
لولاكى كانت ماتت جوايا
بحبك

كل لحظة فى عمرى معاكى هنعيشها فى حب وسعادة
غرامك بحر كبير ...عايز اغرق فية
مش عايز اتعلم العوم ..عايز ادخل فى اعماقة واغرق
عايز اعيش واموت جواة
حبك مالوش بداية ولا نهاية

حبك بجد عايش جوايا يا كل منايا
بحبك اوى ...ومعاكى باكون ضعيف اوى
وبيكى باكون اقوى واحد
بحب ضحكتك وباعشق همسك وباموت فى رقتك
شايفك حبيبتى ..شايفك اميرتى ..شايفك مراتى
هستناكى ولو طول العمر هستناكى
علشان بجد مش عايز اعيش غير معاكى
اغفريلى اى غلطة طلعت منى ..بجد انا ندمان
كل الى اعرفة ان احساسى وروحى وعقلى وعمرى وقلبى وكيانى اتوهبوا ليكى
عمرى ما حسيتك بعيدة ..طول الوقت عايشة جوايا
لما باكون لوحدى بابقى عارف انك شايفانى
عينيا مش بتشوف غيرك ...قلبى مش هيملكة غيرك
نفسى اجيب الكون كلة واحطة بين ايديكى
تكونى راضية عنى ومبسوطة منى
ماهو انتى انا
بحبك ....بحبك....بحبك