إحنا مش بنختار الناس اللى هنصاحبهم لاء الظروف والمواقف هيا اللى بتفرضهم علينا وتفرضنا عليهم بمعنى شوف كده من وانت فى الأبتدائية بتروح المدرسة بيقعد جنبك تلميذ تانى تطلب منه حاجة ويطلب منك حاجة وبحكم وجودكم مع بعض بقيتوا أصحاب عمل فيك موقف وحش عمل فيك موقف حلو بتحدد تصاحبه او لاء قيس بقى انت على كل سنين حياتك مع جيرانك وفى شغلك انا مقدرش أشوف واحده كويسه وأقول دى صاحبتى أو أروح أفرض نفسى عليها وأقولها أنا إخترتك صاحبتى لاء المواقف اللى بين أى اتنين هيا اللى بتحدد نوع العلاقة بينهم ومع الوقت بتزيد الروابط بينك وبين أصحابك وساعتها بيقى اللى قدامك كتاب مفتوح وعلى أساس أخلاقك وشخصيتك بتبدأ تحدد إذا كان ينفع صديق ولا لاء بس أهم حاجه لما تختارأختار اللى هيرفع منك واللى هيعليك قدام عنيك قبل عيون الناس واللى تفتخر لما تقول عليه دا صديقى يعنى بإختصار حامل معنى الصداقة الحقيقيه
شكرا " قطرة الندى " على توضيح المفاهيم الاساسية لمعنى الصداقة . كما احب ان اضيف نقطة وهي : انكار ذات الصديق لصديقه . وشكرا لك " commander " على الطرح الناجح للموضوع .